رسائل الحب والأخوة للرئيس السيسى من كاتدرائية العاصمة الإدارية.. الرئيس: الجمهورية الجديدة تتسع للجميع دون تمييز.. ويؤكد: الطريق بدأناه مع بعض وإن شاء الله هنكمله مع بعض.. واللى حامى البلد دى ربنا

الرئيس السيسى: أتمنى أسلم عليكم كلكم وأهنيكم ربنا يحفظنا ويحفظكم من الجائحة

ووجه الرئيس السيسى كلمة للحضور وللمصريين كافة وقال خلالها “أحنا في مصر بدأنا طريق عاهدنا فيه ربنا وعاهدناكم ان نكون مع بعض وان شاء الله هانكمله مع بعض كلنا.. الطريق ده طريق الجمهورية الجديدة التي تتسع للجميع، تتسع لنا كلنا بدون أي فرق او تمييز، نعيش فيها بسلام وامان مع بعض”، مطالبا المصريين بالانتباه لمحاولات البعض إحداث فتنة وفرقة بين المصريين وقال “اوعوا حد يدخل بينا، أوعوا حد يفتنا لإن ده مش هاينتهى خاصة كل ما هانكمل وهاننجح”.

الرئيس السيسى: الجمهورية الجديدة تحمل عنوان الحلم والأمل والعلم والعمل

ودعا الرئيس السيسى المولى عز وجل أن يعينه على المسئولية وقال: ” ربنا يعينى أكون خادم شريف للبلد دى وليكم”، مؤكداً ان مصر تسع الجميع.

وفى رده على هتافات الحضور داخل الكاتدرائية، قال الرئيس السيسى “احنا في بيت من بيوت ربنا، ولازم تعرفوا ان اللى حامى البلد دى ربنا سبحانة وتعالى، ودائما ندعوه ونتوسل اليه وندعوه ان يحمينا، لأنه هو ربنا وبيسبب الأسباب”.

الرئيس السيسى: ربنا يعينى أن أكون خادم أمين شريف للبلد

وأعاد الرئيس السيسى التأكيد على أن “الجمهورية الجديدة هي جمهورية الحلم والامل.. جمهورية العلم والعمل، الجمهورية القادرة وليست الغاشمة، المسالمة ولست المستسلمة، الجمهورية دى هانبنيها مع بعض”، مؤكداً ان “اى تحدى او اى صعاب تهون لو احنا كلنا دائما على قلب رجل واحد، كلنا مع بعض”.

وأشار الرئيس السيسى خلال كلمته إلى تقديره الشخصى لقداسة البابا تواضروس، وقال “عاوز أقولكم على حاجة، انتوا ما تعرفوش حجم التقدير والاحترام والمحبة اللى أكنها لقداسة البابا، خلوا بالكم الرجال توزن في المواقف والظروف الصعبة جدا”، داعيا الجميع إلى أن الاهتمام بالبابا تواضروس، وقال لهم “انتوا كمان خلوا بالكم منه”